ပြည်ထောင်စုမြန်မာနိုင်ငံတော်
ကရင်ပြည်နယ်၊ ဘားအံမြို့နယ်၊ အမှတ် (၉) ရပ်ကွက်
ခွယ်ကဘောင်ပညာဥယျာဉ်ကျောင်းအတွင်း၌
နယ်သိမ်း၍ သမုတ်အပ်သော ”ပညာရံသီ” သိမ်တော်၏
သြဘာစာတမ်း
++++++++++++++++++++++++++
ဇေယတု သဗ္ဗမင်္ဂလံ ။အောင်သူတကာတို့၏သေဌ်နင်း မင်းတကာတို့၏ သရဖူ သယမ္ဘူဇိန လောကထွဋ်တင် သနင်္ကူဦးနိမ် ဒေ၀ိန္ဒာအစစ် ဓမ္မရာဇ်ထင်ရှား သဗ္ဗညုမြတ်စွာဘုရားသည်၊ သုံးပါးလောကတွင် ဝေနေယျမှန်စွာ ဗြဟ္မာ နတ်လူ ဟိန္ဒကူတို့ကို ကယ်ယူသယ်ဆောင် နိဗ္ဗာန်သောင်သို့ ရောက်အောင်ပို့မည်ဟု အစုစုအလီလီ ပါရမီအစားစားတို့ကို ကိုယ်အားတော် ဉာဏ်အားတော်ရှိသမျှထုတ်ဖေါ်လျှက် ဖြည့်တော်မူပြီးနောက်-
သင်္ချေလေးရပ် တစ်သိန်းကပ်ကို ဇာတ်အသွယ်သွယ် နွယ်အ၀၀ ဘ၀များစွာဖြင့် ကျော်လွန်တော်မူ ပြီးလျှင် ဤဘဒ္ဒကပ်ကာလ၀ယ် ဂေါတမဟူသောအမည်တော်ဖြင့် ဘုရားမြတ်အစစ် ဖြစ်ပွင့်တော်မူ ခဲ့ပါသတည်း။
နယ်သိမ်း၍ သမုတ်ခြင်းသည်ကား တစ်ခုသောပကတိဂါမခေတ်အတွင်း၌ သိမ်သမုတ်လိုကြ ကုန်သော ရဟန်းတို့သည် ၎င်းဂါမခေတ်အတွင်းရှိ ဗဒ္ဓသိမ်အပိုင်းအခြားမှ ပြင်ပသို့မထွက်ကြကုန် လင့်ဟု တမန်စေခိုင်းပြောကြားခြင်းဟူသော (ဗဟိကရဏ သီမာ ၀ိသောစန = နယ်သိမ်းခြင်း)-
အဗဒ္ဓသိမ်ကျောင်းနေရဟနုးတို့ကို သိမ်သမုတ်ရာဌာန၌ တစ်ပေါင်းတည်းစည်းဝေးစေခြင်း ဟူသော (ဟတ္တပါသာနနယ သီမာ ၀ိသောစန = နယ်သိမ်းခြင်း)-
သိမ်သမုတ်ရာ ဂါမခေတ်အတွင်းရှိ ဆန္ဒာရဟ ရဟန်းတို့၏ ဆန္ဒကိုဆောင်ယူစေခြင်းဟူသော (ဆန္ဒာရဟဏ သီမာ ၀ိသောစန = နယ်သိမ်းခြင်း)- အားဖြင့်ဤသုံးပါးတို့ပင်တည်း။
နယ်သိမ်း၍ သမုတ်အပ်သော ပြန့်သင်းနာမ ”ပညာရံသီ” မင်္ဂလာမှည့်ခေါ် ဤသိမ်တော် ကြီးသည်ကား ခေတ်ကာလအားလျော်စွာ ပကတိဂါမမှ နယ်သိမ်း၍ ခွဲထုတ်သမုတ်ရာဝယ် ပွတ်သစ် စခရုသင်းနှယ် စင်ကြယ်စေခြင်းငှါ သတ်မှတ်ရာဌာနထက် ပြင်ပသို့ ပိုထွက်၍ သံဃာတော် လေးပါး ထက်မနည်း ထိုင်နေလေအောင် အကွက်, အ၀န်းပြုလုပ်ပြီးလျှင် သိမ်နုတ်ခြင်းအမှုပြုလုပ်ကြရာ၌ ၀ိမတိ ၀ိသောဓနီဋီကာ, ၀ိနယာလင်္ကာရဋီကာနှင့် အာစရိယ၀ါဒလာလာသမျှသော အခြေခံတို့နှင့် ဧ၀ကန်ညီစေလျှက် အ၀ိပ္ပ၀ါသ သမာန ဆက်တွဲပြီး အနည်းနည်းရွတ်ဖတ်၍ သိမ်စပ်, သိမ်လွမ်း ပြစ် မစွန်းရအောင် အစွမ်းရှိသမျှ သိမ်နုတ်တော်မူကြပါသတည်း။ ဤသို့လျှင် တိဝိနယာစရာ များသံဃာ တို့ ခါခါကြိမ်ကြိမ် သိမ်နုတ်, သိမ်ရှင်းပြုလုပ်ခြင်းတို့တွင် ရှင်းလင်းသံသယကင်းရှင်းပ၍ မိုးဝစန္ဒာ ပြည့် ၀န်းစွာသို့ သီမာဒေါသ သမ္ဘေဒ အဇ္စျေတ္ထရဏတို့မှ မုချကင်းရာနှစ်မျိုးသော ကမ္မ၀ါစာတို့ကို (လင်္ကျာ ရစ်, ခရုပတ်အထပ်ထပ်အကြိမ်ကြိမ် အချိန်မလပ် ကြက်ခြေခတ်, ပျားကြီးစွဲ) အနဲနဲလူးလားအခါခါနုတ် ကြပြီးနောက်-
၁၃၇၃-ခုနှစ် ဟေမန္တ -ဆောင်းဥတု၊ တပို့တွဲလပြည့်ကျော် (၈) ရက်၊ (၁၅-၂-၂၀၁၂) ဗုဒ္ဓဟူးနေ့ ည ( 12 ) နာရီ ( ) မိနစ် အချိန်တွင် မရွေ့အမှန် သီမာသမ္မုတိကံကို စီမံပြုလုပ်ကြရာဝယ် -
(က) ဘဒ္ဒန္တနန္ဒိယ (ဇမ္ဗူမြိုင်ဆရာတော်)
(ခ) ဘဒ္ဒန္တကုဏ္ဍလ (မဲဘောင်ကျောင်း စာချဆရာတော်)
(ခ) ဘဒ္ဒန္တဣဿရိယ (မြိုင်သဇင်ဆရာတော်)
(ဃ) ဘဒ္ဒန္တက၀ိဓဇ (ဇွဲကပင်တောင်ဆရာတော်)
(င) ဘဒ္ဒန္တတေဇိန္ဒ (မိုးကယ်ကျောင်းဆရာတော်)
(စ) ဘဒ္ဒန္တ၀ိဇ္ဇာနန္ဒ (ကျောင်းထိုင်ဘုန်းကြီးကျောင်းဆရာတော်)
(ဆ) ဘဒ္ဒန္တသုဇာတ (ပြည်နယ်ကမ္မဋ္ဌာန်းကျောင်းဆရာတော်)
(ဇ) ဘဒ္ဒန္တဥတ္တရ (ဓမ္မ၀ါသီကျောင်းစာချဆရာတော်)
(ဈ) ဘဒ္ဒန္တဣန္ဒက (၀ါဆိုဦးကျောင်းဆရာတော်)
ဤဆရာတော်ကိုးပါးတို့ကို ဦးထိပ်ခေါင် ရွက်ဆောင်တော်မူစေလျက် အခြေအနေအရ အမှတ် (၉) ရပ် ကွက်ကို နယ်သိမ်း၍ အုတ်အုတ်ကျွတ်ကျွတ် သံဃာကုန်ရုံးလျက် ကြေးစည်သံ, ခေါင်းလောင်းသံ, မောင်းသံအစုံတီးခတ်ကုန်၍ အစုံသံဃာခိုက်အခါဝယ် သီမာ သမူဟနန ကမ္မ၀ါစာကို နှစ်ဖြာဆက်စပ် လျက် ဗဟိုရ်ရပ်ဝတ္ထုမှ အသံညီငေါ် ရွတ်ဖတ်တော်မူကြပြီးလျှင် ရှစ်မျက်နှာနိမိတ်ကျောက်ကိုထား၍-
(၁) တနင်္လာနံ - အရှေ့အရပ်မှ ဦးကုဝေရ
(၂) အင်္ဂါနံ - အရှေ့တောင်ထောင့်အရပ်မှ ဦးဉာဏောဒယ
(၃) ဗုဒ္ဓဟူးနံ - တောင်အရပ်မှ ဦးဝိသုခ
(၄) စနေနံ - အနောက်တောင်ထောင့်အရပ်အမှ ဦးတေဇနိယ
(၅) ကြာသာပတေးနံ - အနောက်အရပ်မှ ဦးမေဓာနန္ဒ
(၆) ရာဟုနံ - နောက်မြောက်ထောင့်အရပ်မှ ဦးဝါရိန္ဒ (ခေမာရာမ)
(၇) သောကြာနံ - မြောက်အရပ်မှ ဦးသောပါက
(၈) တနင်္ဂနွေနံ - အရှေ့မြောက်ထောင့်အရပ်မှ ဦးဣန္ဒာစာရ
လောကသစ္စံ နသစ္စံနှင့် မဆန့်ကျင်ရန် နေ့နံအလိုက် နိမိတ်စောင့်ကြကုန်လျက်-
(က) ဘဒ္ဒန္တက၀ိဓဇ (ဇွဲကပင်တောင်ဆရာတော်)
(ခ) ဘဒ္ဒန္တတေဇိန္ဒ (မိုးကယ်ကျောင်းဆရာတော်)
(ဂ) ဘဒ္ဒန္တ၀ိဇ္ဇာနန္ဒ (ကျောင်းထိုင်ဘုန်းကြီးကျောင်းဆရာတော်)
ဤသုံးပါးသသောဆရာတော်ဘုရားကြီးတို့က တစ်ပါးစီတစ်ပါးစီကြွကာ ရှစ်မျက်နှာသိမ်နိမိတ်တို့ကို မဆိတ်မေးမြန်း ရှစ်ခန်းလှည့်လည်၍-
(ပုရတ္ထိမာယ ဒိသာယ ကိံ နိမိတ္တံ-မှ ပုရတ္ထိမာယ ဒိသာယ ကိံ နိမိတ္တံ) အထိ ထပ်မိသည့်တိုင်-
အယံ ဧသော ပါသာဏော နိမိတ္တံ-ဟု အနီးညွန်သဒ္ဒါ, အဝေးညွန်သဒ္ဒါတို့ကိုမြွက်ဆိုကာဖြင့် အတည် ပြု၊ အနီးကြား, အဝေးကြားဖြင့် စကားမြွက်ဖေါ် မိန့်ကြားတော်မူပြီးနောက် -
ကရင်ပြည်နယ်၊ ဘားအံမြို့၊ ဘဒ္ဒန္တက၀ိဓဇ (ဇွဲကပင်တောင်ဆရာတော်)က သံဃာတော်ဘောင်မှ ထရပ်၍ အရပ်ရှစ်မျက်နှာ လှမ်းမျှော်လျက် ဖေါ်ပြပါ အစဉ်ရပ်ခွင် ထပ်မိအောင် စစ်မေး၍ -
ဧသော -ခေါ် အဝေးကြားဖြင့် စကားမြွက်ဟ အတည်ပြုတော်မူကြပြီးနောက် ကြွလာသမျှ သံဃာ တော်အ၀၀တို့ကို-
(သမာနသံဝါသက သီမာ သမ္မုတိ ကမ္မ၀ါစာ - အစ အ၀ိပ္ပ၀ါသ သီမာ သမ္မုတိ ကမ္မ၀ါစာ-အဆုံး) နှစ်ဆောင်လုံးထင်ရှား ကိုးထပ်တိုင်တိုင် ဖတ်ကြား၍ ရွှင်အားရစွာ ညီညာဖေါ်ထုတ် သိမ်သမုတ်တော် မူကြသည်နှင့် တပြိုင်နက် ဤပညာရံသီ-မည်သော မင်္ဂလာသိမ်တော်ကြီးသည် နှစ်သာသနာ (၂၅၅၀) ခု စွန်းခိုက် မြန်မာတိုက်၌ ကြုံကြိုက်ဝေါဟာ ကောဇာသက္ကရာဇ် (၁၃၇၃) ခုနှစ်၊ တပို့တွဲလ ပြည့်ကျော် (၈)ရက် ဗုဒ္ဓဟူးနေ့ ည ( ၁၂ ) နာရီ ( ၂၀ ) မိနစ် အချိန်ဝယ် ဘူမျံ ဗွေချာ ဤဒေသာမှ သီမာ နိမိတ်ကျောက်အတိတ်သည် မဆိတ်လျင်စွာ လွမ်းမိုးကာနှင့် ကမ္ဘာမြေထု ဟင်းလင်းပြုသို့ ပံသုသီလာ ဖေါက်ကွဲကာဖြင့် သီမာ သမ္မုတိ ရှိန်ဣဒ္ဓိက ၀ါရိဝါရီ အရောက်ချီလျက် သျှရီနိမိတ် အောင်အတိတ်ကို ဆောင်ချိတ်ဆက်စပ်စေပြီးသော်-
ဤမြေ၀သုံ လူတို့ဘုံမှ အဟုန်ပြင်းစွာ ဘ၀ဂ္ဂါထိ ဇေယျာသိငြိတ်အောင်နိမိတ်ကို မဟိဒ္ဓိစိုး တန်ခိုးကြီး မြတ်အနတ်နတ်နှင့် မလပ်ဗြဟ္မာ မင်းတကာတို့ ပြင်းစွာလက်ပမ်း ဘ၀ဂ်လွှမ်းအောင် ဆက်ကမ်းခတ် တည်း သောင်းသောင်းချီး၍ ပေါင်းစည်းဆောင်ဖန် အခေါင်လျှံလျက် အောင်သံဟစ်ကြွေး သာဓု သံ အောင်စည်တီး၍ ကောင်းချီးပေးကြကုန်ရာသတည်း။
”ပညာရံသီ” သိမ်တော်၏ သိမ်အောင် သြဘာစာတမ်းပြီး၏
